كلمات اغانى الحقيبة -
التوجه للرئيسية للتسجيل معنا (نتشرف بذلك) لوحة التحكم تسجيل الخروج (تشرفنا بزيارتك)




اهلا بالعزاز اولاد العزازه [ الكاتب : ابومنتصر - آخر الردود : ابومنتصر - ]            مزارع الجزيرة الخاصة [ الكاتب : أبو أسامة - آخر الردود : أبو أسامة - ]            هيثم مصطفى ........ القرار الصاح في الوق... [ الكاتب : أبو أسامة - آخر الردود : أبو أسامة - ]            أبو الخاتم, حرام عليك [ الكاتب : طارق بابكر - آخر الردود : أمين عبدالله - ]            الاسماء الحقيقية للاعضاء [ الكاتب : hafiz - آخر الردود : أمين عبدالله - ]            لو كان التواصل لكفي [ الكاتب : احمد الحاج محمد علي - آخر الردود : أمين عبدالله - ]            لعبة يوتة الممتعة [ الكاتب : أمين عبدالله - آخر الردود : أمين عبدالله - ]            خروج وعودة ........ بدون تأشيرة [ الكاتب : أبو أسامة - آخر الردود : أبو أسامة - ]            مزارعو الجزيرة الشرفاء لم يذهبوا للبشير ... [ الكاتب : بكري النور موسى شاي العصر - آخر الردود : بكري النور موسى شاي العصر - ]            يسقط قانون 2005 حتى لو جاء تعديله مبرأ م... [ الكاتب : بكري النور موسى شاي العصر - آخر الردود : أبو أسامة - ]           

العودة   منتديات العزازة المنتديات الادبية والفنية منتدى الأغنيات





معلومات حول الموضوع
عنوان الموضوع
كلمات اغانى الحقيبة
الردود
2
من يشاهد الموضوع
المشاهدات
2889

اضف موضوع جديد  إضافة رد
   
أدوات الموضوع انواع عرض الموضوع

عضو مؤسس
رقم العضوية : 4
الإنتساب : 20 04 07
الدولة : الرياض
المشاركات : 1,134
بمعدل : 0.40 يوميا

بت العزازة غير متواجد حالياً

  عرض البوم صور بت العزازة عرض مجموعات بت العزازة






  مشاركة رقم : 1  
المنتدى : منتدى الأغنيات
افتراضي كلمات اغانى الحقيبة
قديم بتاريخ : 20-01-2008 الساعة : 04:27 PM

اخوتى فى هذه المساحة نرجو من كل الذىن يملكون اى اغنية حقيبة ويعرفون شاعرها ان يمدونا بها لنشكل من هذا المنتدى مرجعية لهذا الفن الخالد

قصيدة " حبيبي عـرّج بي و ميل " للشاعر محمد بشير عتيق
تلحين و غناء خضر بشير.

حبيبي عــرّج بي و ميل
نتأمل الأفق الجميل
فعل الغزالة مع الصباح
***
عـرّج بي و ميل
في الشاطئ نتأمل قليل
شوف حكمة الصانع الجليل
النيل خلال روضو الظليل
ينعشنا بي روحو العليل
شكل الغزالة مع الصباح
أما الطيور ، عاشقة الزهور
في هنا (ء) و سرور
من طيبها ، تستنشق رياح
و تغني ، أغنية الصباح
شكل الغزالة مع الصباح
***
حبيبي سيب الإستحـــا
متــع مناظرك و ســرّحا
شـاهد الطبيعة و مســرحا
شكل البلابل مع الضحـــا
الورد كان نايم صــحا
و الزهرة باسمة و مـُفرجة
شكل الغزالة مع الصباح
***
و الشمس للنيل ، يا خدين
ترسل خيوط متبهرجين
زي تبري ذايب في لـُجين
و الروضة في ندى و اٍرتشاح
الكون ثميل ، من طيبها يتوشح وشاح
شكل الغزالة مع الصباح
***
باللــه ، يا رمز الوفا
خلينا من شوقنا و كفى
عاين أمام و أنظر قفا
تلقى الزهور ما ألطفا
مقتبسة من لونك صـِـفة
و النهر زي خـدك صــِفا
شكل الغزالة مع الصباح
***
هنـا .. هنـا يا ظريف
الظـِل وريف
و الجـو لطيف
و أنا و اٍنت في حلل العفاف
أرواحنا ممتزجو اٍئتلاف
كلما أقول ليك اٍقتراح
ترضاه بكل اٍرتياح

********************
حاول يخفي نفسه

للشاعر سيد عبد العزيز
غناها الحاج محمد أحمد سرور والكثيرون


حاول يخفي نفسه وهل يخفى القمر في سماه
أبداً لا وطبعاً لا شفناه شفناه
حاول يخفي نفسه وغير اتجاهه
سطع النور في أفقه وكل إنسان رآه
خلنا البدر أشرق كامل في علاه
وخلنا الزهر فتح من أنفاس شذاه
جذاب حسنه رايع لادن خلقه مايع
رقص البان مشيه تحب تنظر وشيه عيونك تختشيه
من قوة ضياهو ومن شدة حياهو
مرة إذا نظرته ونظره إليك رناه
قلبك ينشرح له وترتاح لي لقاه
دون تشعر تحبه وتلهج في ثناه
مرة تقول كبدر ومرة تقول كزهر
مرة تسمي شعري ومرة تسمي سحري
تغلب فيه أسما وبرضه تشوفه أسمى
كل وصفا تراه أقل من مستواه
مترفع عظيم عالي بعيد مداه
ملأ العين جماله الزاهي رشح نداه
يلالي والكواكب تتناثر حداه
فيه الحسن أودع ما ملكت يداه
مفرح وشوفته تفرح
بتلقاك باسم كالزهر المنسق في زمن المواسم
تشوف في مقلتيه حياه دلاله تيه
واللحظ البجرح والوجد المبرح
أنا من دون أصرح
لي قلب اصطفاه وهسه هناك معاه


********************************
كلمات: محمد بشير عتيق


ما بنسي ليلة كنا تايهين في سمر بين الزهور
انا وانت والنيل والقمر

وين يا جميل يوم كنا تايهين في سمر
من انسنا اتمتعنا بي جني الثمر
كم قلبي بالانفاس لانفاسك غمر
الجو سكر من ريك اتعطر خمر

ما بنسي ليلة كنا في شاطي النهر
نتعاطي خمر الحب بكاسات الزهر
والبدر مزق ظلمته و سفر ازدهر
في النيل سطع بي نوره واتقطع بهر

الليل هدا والجو صفا وغاب الاثر
النسيم بجيب من توتي اصوات المتر
اتا يا جميل بي صوت ضميرك المستتر
من شعري كم اسمعتك الحان في وتر

شفت النجوم تنظرنا بي نظرة شذر
لما القمر في افقه بغيابه اعتذر
صافين عفاف ياحبيبي خالين من قدر
في هوانا لا واشي ولا مراقب حذر

انا بي غرامك ياحبيب دمعي انفجر
وانا بي غناك ايقظت سكان الشجر
قبال اراك انا كنت في حيرة و ضجر
اليوم حظيت بلقاك يا ظبي الحجر،،،،

*****************************

يـا روحــــي

كلمات: عبد الرحمن الريح


يا روحي أنصفني
في حكمك لأنو قاسي علي أنا يا حبيب ظلمك
تظلمني والأيام قد تنصف الانسان
نشاهد المحبوب عفوا عيان وبيان
بالنسبة للطفك والرقة يا فتان
ما كنت تظلم من قد أضحى بيك ولهان
تتركني للماضي مع انه في الامكان
نجدد الذكرى وتنسى كل الكان
هيامي بيك يا فاتن مصدره الانصاف
انصفت حسنك حب وانصفت حبي عفاف
ذوبت روحي معاني دقيقة في الاوصاف
هومت نفسي خيال في معبدك طواف
سكبت روحي على كاس المحبة سلاف
هل بعد ذلك كل سهام نواك اهداف
يا حبيبي غرامي تركته للايام
تركت حب ودموع تركت شوق وهيام
عودت نفسي اذا ما اشتدت الالام
اصبر على الحرمان واضحي بالاحلام
جنة هواي العذري ندية كالانسام
تخلي نار الشوق بردا علي وسلام
*******************************
إنــصــــــــــاف
كلمات: عبد الرحمن الريح


يا روحي أنصفني في حكمك
لأنو قاسي علي أنا ياحبيب ظلمك

تظلمني والأيام قد تنصف الانسان
يشاهد المحبوب عفوا عيان وبيان
بالنسبة للطفك والرقة يا فتان
ما كنت تظلم من قد أضحى بيك ولهان
تتركني للماضي مع انه في الامكان
نجدد الذكرى وننسى كل الكان

و هيامي بيك يا فاتن مصدره الانصاف
انصفت حسنك حب وانصفت حبي عفاف
ذوبت نفسي معاني دقيقة في الاوصاف
هومت روحي خيال في معبدك طواف
سكبت ذاتي على كاس المحبة سلاف
كيف بعد هذا أكون لسهام نواك أهداف

أنا يا حبيبي غرامي تركته للايام
تركت حب ودموع تركت شوق وهيام
عودت نفسي اذا ما اشتدت الالام
اصبر على الحرمان واضحي بالاحلام
جنة هواي العذري ندية كالانسام
تخلي نار الشوق بردا علي وسلام
***************************
النايرات الوجن
للشاعر الحسن ود سالم و للفنان أحمد عبد الرحمن الخديوي
نايرات الوجن
تومي متين لي يجن
نامو الخلوق والليل جن
مرسالي جاء وقال لي جن
ماشات علي يدرجن
ميهن خفاف يتبرجن
ريفات صغار بنات عجن
زي الجواهر يلهجن
من غير شمع هن سرجن
اخدن معاي ساعتين رجن
شالن فؤادي وعرجن
**********
جمل قوافيك للوزن
لي الجمروه وبقى للوزن
اخفي الاسوم لا تفرزن
جنّ عشوقن عايزن
*********
فارمة الكبد بي مقصها
قصصا عياني قصها
قادت المحزم نصها
وحلاهٌ رحى بنصها
******
قاموا الخلوق وقفوا ليها صف
مدبور ساقك ما اصف
مراية خديدها الاتلصف
مظلوم انا وقط ما اتنصف
*****
اصبحت حائر بي الدليل
وكايس لماك ما لقيت دليل
كاتلاني عندي عليك دليل
عينيك صاد ود الدليل

******
برسل سلامي بعد ما
دودا السحاب كر حبّ ماء
يمسك يديك ويلثما
************************

توقيع

امى ما كنت اعلم والرحيل يضمنا انى اودع مهجتى وحياتى
افتقدك


منتديات العزازة


عضو مؤسس
رقم العضوية : 4
الإنتساب : 20 04 07
الدولة : الرياض
المشاركات : 1,134
بمعدل : 0.40 يوميا

بت العزازة غير متواجد حالياً

  عرض البوم صور بت العزازة عرض مجموعات بت العزازة






  مشاركة رقم : 2  
كاتب الموضوع : بت العزازة المنتدى : منتدى الأغنيات
افتراضي
قديم بتاريخ : 20-01-2008 الساعة : 04:27 PM

بت ملوك النيل


كلمات الشاعر / سيد عبد العزيز

يا بت ملوك النيل يا أخت البدور

مين لى علاك ينيل فى البدور والحضور



الجبرة فيك بتخيل محمية الحما

الما حام حداه دخيل

ما أبوكى بخيل بت عز الرجال

أهل الدروع والخيل

والهنا... والسرور

يا السامية ست الجيل طرفك من حياء

فى عصر السفور خجيل

حسنك وضع تسجيل فى صحف الدهور

يتلوه جيل عن جيل

لى يوم النشور

الهيفا يا الخنتيل حروف آيات محاسنك

أرتلن ترتيل

يعجبنى فيك تمثيل أخلاق الملاك

فى سطوة القتيل

الفارس الجسور

غضنك رطيب وعديل شعرك ليل

جبينك يخجل القنديل

النور عليكى سديل يا معنى الجمال

الما أتوجد له عديل

فى ناس ولا حور

فقتى الكانوا قبيل ما خدات فى الجمال

جائزة نوبيل

حيرتى كل نبيل عيناك سحرهن

يسحر سحر أبابيل

يخترق الصدور

يا صاحبة الأكليل ما أظن النهار

العين تدور له دليل

محياك نوره جليل كنت أقول شمس

لو ما الزمان كان ليل

أن عليك نور

لا زلت ليك أميل يا رمز السعادة

الما أتوجد له زميل

يا آية التكميل يا مراية الجمال

الفيكى كل جميل

ريحانة العصور
**********************


أيام صفانا

محمد بشير عتيق

أذكري ايام صفانا واذكري عهد القاء
والليالي الفي حبور
اذكري ايام صفانا والليالي الفيها متبادلين وفانا
جينا بي كل اقتراب
من حديث يشفي الجراح
بي مغازلة وانشراح
والقمر بي ضياهو آالق والنسيم يهدينا انفاس الزهور

كنا داخل روضة مافيش حد سوانا
غير ان القمري يهتف بي هوانا
من اهازيج فنه يسمعنا اسطوانة
اما ارواحنا الخفاف
رافلة في اثواب عفاف
زي عرائس يوم زفاف
والنجوم بي عيون تسارق في اشتياق
تنظرنا من خلف الستور

الرياض مبتهجة داخل اقحوانا
والزهور نديانة تستقبل اوانة
زاهية يانعة ورايعة في توب ارجوانا
والنهر لينا اقترب
والطيور تسجع طرب
عاملة موسيقة قرب
انحنا صار مجلسنا عامر في طرب
في قبطة في نشوة وحبور

يا امير الحسن يا سامي المكانة
من عواطفك حبي لو فاقد مكانة
اهدي لي تفاحة بس او برتكانة
فهي غير شك مرضية
بيها اقتبس الضياء
بل اذوق طعم الحياة
انت ملهمني الاغاني
وانت مصدر فني
احساسي وشعوري
*********************************
ماهو عارف
خليل فرح


ماهو عارف قدمه المفارق
يا محط آمالي السلام
في سموم الصيف لاح له بارق
لم يزل يرتاد المشارق
كان مع الأحباب نجمه شارق
ماله والأفلاك في الظلام
يا دهر أهوالك تسارق
منها كم كم شابت مفارق
ما علينا الفات كله فارق
رقنا وله نعيد الملام
من حطامك أنا غصني وارق
في شن أبقيت للطوارق
غير قليبا في همومه غارق
ولسانا برده الكلام
ويح قلبي الما انفك خافق
فارق ام درمان باكي شافق
يا أم قبايل ما فيك منافق
سقي أرضك صوب الغمام
يا بلادي كم فيك حاذق
غير الهك ما أم رازق
من شعاره دخول المأزق
يتفاني وشرفك تمام
مسرح الغزلان في الحدايق
والشوارع الغر والمضايق
قول لي كيف أمسيت دمت رايق
دام بهاك مشمول بالنظان
مجلس اللذات في النمارق
والترف لا زال وصفه خارق
ضاري حسك فاح جانا مارق
وله قاطعو الريح ما هو لام
في يمين النيل حيث سابق
كنا فوق أعراف السوابق
الضريح الفاح طيبه عابق
السلام يا المهدي الامام
أين مني الودعته شاهق
باكي ناهد لسه مراهق
عيني ما بتشوف الا شاهق
أين وجه البدر التمام
أين مني الفي زهوه باسق
في شبابه نقي من مفاسق
بين ثيابه البيض المناسق
حولك اشبه رتل الحمام
يا بريد الجو فوقي حالق
ميل علي الروح ليها خالق
عدت سالم قول وأنت عالق
مقرن النيلين كيلو كام
الحبايب لفتوا الخلايق
بيني وبينهم قطعوا العلايق
ان دلال ان تيه كله لا يق
حن ما مجينا الخصام
يا جميل يا نور الشقايق
أملأ كأسك واصبر دقايق
مجلسك مفهوم شوفه رايق
عقده ناقص زول ولا تام
من فتيح للخور للمغالق
من علايل ابروف للمزالق
قدله يا مولاي خافي حالق
بالطريق الشاقه الترام
ما يئسنا الخير عوده سايق
الحي يعود ان أتي دونه عايق
الي يوم اللقا وانت رايق
السلام يا وطني السلام
****************************
عزة في هواك
خليل فرح


عزة في هواك عزة نحن الجبال
وللبخوض صفاك عزة نحن النبال
عزة ما بنوم الليل محــــال
وبحسب النجوم فوق الرحال
خلقة الزاد كمل وأنا حالي حال
متين أعود أشوف ظبياتنا الكحال
عزة ما سليت وطن الجمــال
ولا أبتغيت بديل غير الكمــال
***
وقلبي لي سواك ما شفتو مال
خذيني باليمين وانا راقد شمال
عزة ما نسيت جنــة بلال
وملعب الشباب تحت الظلال
ونحن كالزهور فوق التلال
نتشابي للنجوم وانا ضافر الهلال
عزة جسمي صار زي الخلال
وحظي في الركاب صابه الكلال
وقلبي لسه ما عرف الملال
أظنه ود قبيل وكريم الخلال
عزة ما أشتهيت نوم الحجال
ولا السوار بكي في يمينا جال
وعزة في الفريق لي ضيق مجال
قبيلة بت قبيل ملأ الكون رجال
***
عزة شفت كيف نهض العيال
جددوا القديم تركوا الخيال
روحك أم سماح سري كالسيال
شجوا الفؤاد حيوا محسور الليال
عزة في الفؤاد سحرك حلال
ونار هواك شفا وتيهك دلال
ودمعي في هواك حلو كالزلال
تزيدى كل يوم عظمة ازداد جلال

***
عزة في حذا الخرطوم قبال
وعزة من جنان شمبات حبال
وعزة لي ربوع ام در جبال
وعزة في الفؤاد دوا يشفي الوبال
*************************
الشرف الباذخ
خليل فرح

نحن ونحن الشرف الباذخ
دابي الكر شباب النيل
قوم قوم كفاك يا نايم
شوف شوف حداك يا لايم
مجدك ولي وشرفك ضل
إمتي تزيد زيادة النيل
نحن نطارد العنزة الفاردة
نحن نزود مشارع النيل
نحن برانا نحمي حمانا
نحن نموت ويحيا النيل
ما بنندس ما بنتوصي
نحن نكيل برانا نشيل
نحن الطينة ومطر العينة
نحن الوادي برقه يشيل
نحن الصولة سيوف الدولة
نحن كنانة اسماعيل
بابه العالي وشرفه الغالي
كان لجدودنا ظله ظليل
يا حكامنا جيبوا البينه
ولا انقرعوا كفوا الشينه
ده ود عمي وده ضريب دمي
انت شنو طفيلي دخيل
يا نزلانا أمرقوا الذمة
كيف ينطاق هوان الأمة
شالوا حقوقنا وزردوا حلقونا
ديل عاوزين دمانا تسيل
من تبينا قمنا ربينا
ما اتفاسلنا قط في قليل
ما فيش تاني مصري سوداني
نحن الكل ولاد النيل
*****************************
ياجوهر صدر المحافل روحي معاك اتلطفيله
مالدور الفي حليه رافل في حكمك لقلوبنا قافل
كالظبي الفي مقيله غافل تارة يميل والتانية جافل
وجه ينور والبدر آفل فوق للبدر يزيد نفيله

ليك جوز عين نعسان وكاحل زي وجدي اللي جسمي ناحل
بحر الشوق ماليه ساحل بنسب نوحي علي البلابل
وانتي القمره بتنسبيله

الغصن البتنى مايل طيره ينوح بي غصنه مايل
أهوى نسيم لي فكري شاتل الأسد الفي القيد يناتل
يتأكد ماليه كاتل غير مكحول ظبي النتيله

المرنوع بي كنفه هادل درعه يميل بي خصره جادل
أنا نايم والليل سادل شرط الحاكم يبقى عادل
مايمنع طيفك يغازل أنا في الحب لي روحي بازل
داخل قلبي ليك منازل يا لايم لاتبقى هازل
هل عاشق يسمع لعادل خلي نصيحتك عني زيله

يوقد شوقي ودمعي هامل جمر الحب لي جسمي شاعل
كيف لا تشعل في مشاعل لو الدهر بي حالي جاهل
في الأنجم أسأل سهيلة

أنا في الريد مالقيت وسائل غير بث النسمات وسايل
أغرب شي وعجبنا سايل حلم الصاحي ودمعه سايل
لو شكيت في أمري سائل البدري كونك مثيله

يوقد شوقي ودمعي هامل جمر الحب لي جسمي شاعل
ضاق بي الكون مع إنه ماهل دمي يخضب للأنامل
هل يرضيك كدا ياجميله
**************************************
لي نية في قمر السما

مقاصدي آه ما أجسما
لي نية في قمر السما
أبني الفكر وأهدما
والعين تسيل دمع الدما
والدمعة مرات أعدما
ليه حقيقة روحي اقدما
ليته يرضى ويخدما
****
حواسي مالها كلما هبت نسيمة تألما
روح يانسيم لها كلما
ان المعذب لـ اللما
عجبا ملاك ساكن حما
في حماية الحما اتحمى
منعوا الدلال يظهر حما
هلك النفوس وأبا يرحما
ومن هجره يا حامي الحمى
*****
كم من محاسن وأعظما
فيك خايلة خلقة منظمة
زي معنى شاعر ناظما
صفاء بهجتك ما أعظما
شوفتك ظمأ وتروي الظما
حي المسالمة ومسلما
ذكراها أنسي أقل ما
الذكرى دايما مؤلمة
لله أموري أسلما
للقمرا مالقيت سلما
لي نية في قمر السما
***************************
يلوحن لي حماماتن

يلوحن لي حماماتـــن همن عينى غماماتن بريدن
شوقى لي لماتن

هباب رعاب جمال فاتن ولاشــىء من أدب فاتـــن

تتوق الروح لشـوفاتن وارجــف حيــن موافـاتن

نديم قول لي هن ياتن مهاة رامه وظـــــبياتن

نسيم شيل لي تحيـاتن وخصــص بيها نيـــــاتن

تبقى النور وسيـماتن تضــوى العتــمة بسماتن

حبيب اشتقنا نسمـاتن حليل ديـــــلاك رشيماتن

بين الشادى والشـادن تحيـــر فكرو وانشــادن

خدودن جـــلَّ فصَّــادن جمــيع الشاهــدن رادن

عســف نيدن حفى جلادن وضـيبـن هـدهـدالـــلادن

عفافــن عـــفَّ تيلادن بســوق القول على بـلادن
**********************************
اقيس محاسنك بمن
يالدر الماليك تمن
نور عينى نور الزمن
ماشفنا فى طول الزمن
سواك بدر فى داخل كمن
الانوار يتزاحمن
فى خدودك اخد امن
ومن فاهك يتبسمن
بروق فى بروق يتقسمن
دى الدنيا ام جنة عدن
شفنا ملاك لابس بدن
انسان لكن مفردا
حاز النور حاز اللدن
غصنة مهفهف املدا
وهيبة اسد فى عيون شدن
يالجبره المازجه العجن
وجسمك بالطيب انعجن
اذا النسمااات بيك عرجن
طبقات الجو يتارجحن
والانفس يتهيجن
انتى نرجس من الوسن
لعيونها الاعين جسن
وان اية الحسن الاسن
وغصون الروض يتمايسن
فى ذالك الزى الحسن
وكل حسن مالك حسن
روضك زى عارضين صفن
حلاك سحرك ماسحر فن
كواكب النور البلصفن
بصفاتك مااتوصفن
بدور الكون لو ينصفن
يسجدن ليييك ومايكون وفن
فيك عيون بالحسن ازدرن
ومهما افكارهم يكبرن
زى حسنك ما يعبرن
مع البدرين سيرك سرن
ومن وزنك هن يقصرن

نواصل باذن الله ......................

توقيع

امى ما كنت اعلم والرحيل يضمنا انى اودع مهجتى وحياتى
افتقدك


منتديات العزازة


عضو مؤسس
رقم العضوية : 4
الإنتساب : 20 04 07
الدولة : الرياض
المشاركات : 1,134
بمعدل : 0.40 يوميا

بت العزازة غير متواجد حالياً

  عرض البوم صور بت العزازة عرض مجموعات بت العزازة






  مشاركة رقم : 3  
كاتب الموضوع : بت العزازة المنتدى : منتدى الأغنيات
افتراضي
قديم بتاريخ : 20-01-2008 الساعة : 04:37 PM

الحرمونى منك
كلمات والحان عبد الرحمن الريح
غناها حسن عطية واخرون
أنا يا حبيب قلبى سائل دوام عنك
يا الحرموني شوفتك
أنا فى قلبى صورتك
كلما جاتني سيرتك
يزداد بى شجوني ويجفا النوم عيوني
ويزحم قلبي شخصك

يا المنعوك زيارتى
وهم شاعرين بحالتي
ما دايرين مناعتي
لكن التقاليد منعت مني شخصك

منعونا التلاقى لكن رغم ذلك
ظل هوانا باقى
أسأل طيف خيالك من فرط إشتياقى
وأسأل نور جمالك عن نار إحتراقى
طبعآ يا ملاكى لو يرضيك هلاكى
أنا لا أعصي أمرك

حرموك ضيعوني أبو ليه ينظروني
ليه يا حبيب أراهم
زايدين فى جفاهم
من شدة قساهم
مانعين التفاهم
برضي أقول عساهم
يسمحوا لى بنظرة


************************

رائعة أخري من روائع عبد الرحمن الريح ....

أنا فى شخصك بحترم أشخاص
وطبعآ عندي احترامك خاص

إحترامي إليك من صميم قلبي دون ما أشعر
أتفانى عليك والدليل حبي تسمح تنظر
شوف دموع عيني .... سايلة فى خدي
من لهيب الشوق برضو مافى خلاص
هكذا يا ظالم جزا الإخلاص

ذبت فى حبك والفؤاد مجروح
ما فضل منى شئ خلاف الروح
هكذا الأشواق تسمو بالعشاق
من ثري الأشباح لى سما الأرواح
ثم تروي هناك للنجوم معناك
سابحة فى علياك طاهرة كالأملاك

إنت أبهج نور من بدور الكمال
ساطعة فيك آيات من معانى الجمال
تجعل الفنان عبقري الخيال
لو نظم أشعار
أو عزف أوتار
تندهش أفكار
والعقول تحتار
يا جميل ياما فى الجمال أسرار

************************

أب نفلين
الشاعر / أحمد محمد الشيخ ( الجاغريو )
كان يغنيها الفنان / خلف الله حمد بدر
.أنـا غنـيـت عـلـي أب نفلـيـن
يا سيدي الرسول تنجوه مـن العيـن
الليلة اللـدر بتمشـى فـي الوديـان
طالع من القيف ومن الغضـب مليـان
بعزل في الجواميس ما بكشكش الغزلان
بتزكـر حديثهـا وخدهـا النـديـان
برز فـي الميـدان بتطلـع المجهـول
وبطرنه البنات ساعة الضجيج والهول
ده أب نفسا رضيه الحق فيـه القـول
ده أب سيفا بشلع الخودة وبقسم الزول
الليلة الجنيات في الوادي ليهم صـوت
يضحك مانجلن ساعة الكُتال مبسـوط
يتبسم يجيك من تـب هيلـه الفـوت
وما بياسف على الروح الوراها الموت
******************************
اغنية يا صديق
الشاعر مبارك خليفة

يا صديق....
يا صديق مالك مشغول بالك
قالو لي الحب غير حالك
يا صديق الحب فرحة واحلام
وليالي لقاء وليالي سلام
لكن شايفك عايش في ظلام
وعيونك فيها كلام وكلام

انا برضي بحب زيك واكتر
لكن املي زاهر واخضر
بكرة الاحلام تكبر وتكبر
بكرة الاحلام تصبح سكر

يا صديق الحب عالم مسحور
موفور بعطور ووفاء وغرور
عشاق عايشين في سلام وحبور
والكل آسر والكل ماسور

يا صديق الحب زي الاطفال
فرحة وبهجة وحنان وجمال
ينبوع الحب دايما سلسال
مادام في قلوبنا تعيش امال

*****************************

جارو اهلك
لشاعر / محمد علي عبدالله
--------------------
جارو اهلك وجورم أمـر
بالبعـاد والأمـر الأمـر
في ديارم حجبـو القمـر
البديع الساحـر الفكـر
بالجمال والحياء إنشكـر
حسنو يرمي الزول في وكر
شوفتو تسكر من غير سكر
للقلوب ياصاحي إحتكـر
كي يخلف خالـد الذكـر
مفخر الأجيـال والدهـر
حسنو أعجب على ماظهر
في خدودو الحياء إزدهـر
والطبيعه تناجـي الزهـر
تدي منظر جـذاب بهـر
زي نجوم السماء في النهر
نـورو للبدريـن إحتقـر
البهيـج النضـر الاغـر
يـزدري البـراق بالثغـر
المحشـم مـن الصـغـر
منّو كل الناس فـي بغـر
فيه شارد الحسن إستقـر
من عيونو كيـف المفـر
كم بأفئده وأعيـان ظفـر
محيو فيـه البـدر السفـر
وجيدو جيد الظبي النفـر
كل عهد الحسـن الوفـر
زول ويوزن مليون نفـر
حبي هاك القـول الأبـر
والعيان يغنيك عن خبـر
كم نظرت في دهري العبر
نظرة الـي الحيـاة إعتبـر
الجزع في الناس والصبـر
شفنا طوع القضاء إنجبـر
لو بحجبو الأمـر الصـدر
مابحجبوا دمعي اللنحـدر
كل شي إن صفا أو كـدر
في أيادي القضـا والقـدر
أما دهري إن صد أو غدر
البعرفـوا الوفـاء مانـدر
************************
غـــــــــرّد يا حمـــام
الشاعر : محمــد علـــى
-------------------------
أسمعني و أشجيني بي ذكرة الأحباب
بالله ناجيني
رحماك ناجيني من ذي الهموم ألبي
من قاعو سجيني
خلى ألهنا يجيني وخلى السرور يصبح
في طيّو زاجينى
تبريحي صاليني وهيامي زاد أضعّاف
ومنامي سالينى
قول أنت سلينى خلى اليزول منى
آلمي الموالينى
الشوق مالينى والبين برى جسمي
وبي نوايبو باليني
يا دمعة بلينى ويا قسوة الأيام
فوتي الحدود ليني
من غيرك يشفيني و من غيرك أنت يعيد
صبري المجافينى
قول ليهو صافيني زمني القصد هجري
فى هاوية خافيني
غاب رشدي أهديني وفى ملتقى النيليين
أتتغنى آشدينى
على توتى عديني تجد الأذان فطرى
تجد الحياة الديني
صبحني مسيني ويا جانب الأفراح
لا تبقى ناسينى
سجعك يواسيني ورجائي فيك يا حمام
كان متّ ترثيني
أزغد وناديني وأقصد رياض شمبات
سير بيّ وديني
في غناك أبدينى اندب هناك حظي
سعدى المعادينى
إن رمته ترويني ري العطيش في برود
بي جرعة داويني
في جوفي كاوينى حب وعفاف أم در
من قبل تكويني
بطري البساتين وأطرى الشذا الفواح
والمسك والتين
يا جنّة فتينى هل بعد هذا رجوع
ويا حظي أفتيني
وغــــــــرد يا لحمام
****************************

هجد الانام
عمر البنا
---------------
هجد الانام وأنا وحدي مساهر
والنحول علي جسمي ياحبايب ظاهر
أسبابي الحب الطاهر
أسباب سقامي وبكاء طرفي الساهر
لأذاي بعادك مضي سيفه وشاهر
مره أندب حظي ومره أهتف أظاهر
أشكو دهري وأناجي النجم الزاهر
إنت عادل وظالم إنت ناهي وآمر
يتمني البدر ليك يبقي مسامر
كونك دواما في نوراليه مخامر
إمتيازك عنه إنت هادل وضامر
بالبان والاسي مال قوامك ظافر
علي صدرك قنبل كم أسلم كافر
العيون والضمره والوريد الوافر
من محاسنك غارن الغزال النافر
كل ما أكتم حبك دمعي بيه يجاهر
مابفيدني طبيب مهما يكون ماهر
طبي مابين كوثر فاك وبين جواه
سنك اللماعه والخديد الزاهر
عار صفاه التبري من صفاك الناضر
ياخلاصة الحسن في العصر الحاضر
الملوك ليك تخضع لنداك تقول حاضر
تخشي سطوة حسنك وفيك يتلو محاضر
بي وصالك جاحد وبي جفاك مبادر
كاليزيد في الجبره وفي بخاله مادر
بجمالك وحسنك يالفي عصرك نادر
لي أرحم حلمك راعي لاتكون غادر

*****************************

جناين الشاطى
خليل فرح
----------
بين جناين الشاطىء وبين قصور الروم
حي زهرة روما وأبكي يا مغروم
دره سالبه عقولنا لبسوها طقوم
ملكة آسرة قلوبنا تبين عليها تقوم
في الطريق إن مرت بالخلوق مزحوم
كالهلال الهلّ الناس عليها تحوم
شوف عناقد ديسها تقول عنب في كروم
شوف وريدا الماثل زي زجاجة روم
القوام اللادن والحشا المبروم
والصدير الطامح زي خليج الروم
خلي جات متبوعة الصافية كالدينار
في القوام مربوعة شوفا عالية منار
موضة آخر موضة هيفا غير زنار
روضة داخل روضة غني فيها كنار
شوف جبينا الهل ضوّ فوقه فنار
منه هل الشارع منه بقّ ونار
طالعة ما بتقابل زي لهيب النار
تحرق البتهابل والبعيد في نار
****************************

فلـق الصبـاح
شعر و غناء : خليل فرح
------------------------
فَلَق الصباح قـول لى
أهـو نورك لاح خِلِّى
يا خفيــف الــروح
هــو هـــذا نـداك
أم نــدى الأزهــار
من جنان رضـوان أصلك
لـذا كـل ربيع فصلك
اتـنـفــس فــوح
تتـنـفــس نـــاس
وريـــاض وبحـــار
ما ألذّ نسيـم وصلــك
مـا رأيت يا جميل مثلك
يـا بليــل السُّــوح
هــو هـــذا نــداك
أم هـوى الأسحــار
أنت روضة وليك زهرة
والا كوكب وليك بهرة
ضمخــوك للجبيــــر
زعفران وعبيـــر
إنتَ نـار فـى بهــار
صَبّـغْ الخـدين حُمرة
بعد ساعة تشوف صفرة
الاصفـرار ده كتيـر
أخجلـوك يـا أميـر
والّــ نُمّــت نهـار
صبح البُستـان شايل
شجـر الرمـان مايل
السُــلافْ فى الدِنـــان
والكنـــار فى حنـــان
والهِــزار فى هِــــزار
إنتَ كالطـاووس خــائـل
كبرياءك وفيـك خــايل
أنـزل إنـــت كمـــان
غـّن قـول يـا زمـــان
ويـــن حبـيـبــى آذار
مــا عرفنا عدوك زاهــل
والا لِسَّـه غُـــلام جاهل
مُتَهـــلل صيـــــف
شِتـــا عنــدك كيـــف
فــى اللـــعب بالنــار
فـى لهيبــك أشـوف ساحل
كالفــراشة أجيــك راحل
أنــا خــــايف كيـــف
يــا لطيـــف الطيـف
أهــوى وابقــى فـى نــار
فلــق الصبــاح نّـــوَّر
لــى نحــور الغِيــد صَـوَّر
جميعَـــنْ فـى الـــدور
مِــن خــدود وبـــــدور
صَــدَفَـــه و مُحَّـــارْ
عَـزَّة شُـوفى الحــوش نوَّر
بــى نجــوم الليـــل غَـوَّر
يـــا صبــاح النــــور
علـــى العيـــون الحـــورْ
والخـــديـــد الحــــار
عَــزَّة قـومى كفـاك نـومك
وكفــانــا دلال يـــــومكْ
إنـت يــا الكبـــرتــوك
البنـــات فــاتــــــوكْ
فــى القطــار الطـــار
عــزَّة شُـــوفى شبــاب قــومكْ
سبقـــوك علـــى كــومك
بـــت رجـــــال ولــــدوكْ
للقبيــــلة هـــــــدوكْ
إنـــت عِـــزْ وبفخــار
الجمـــالْ فـى كمــــال وصفك
أدبِــك وجمـــال خِلْفــــك
الضميــــــــر كالعــــــودْ
والعيـــــون السُّـــــــود
فى البطـــانة كُتـــــار
منزلــك عُنْـــــوان ظــــرفك
نــوريـــة يَصــون إلفــــك
زَعَلِــــكْ يــا أم خــــــدود
سَــــوِّى ليــــه حــــدود
مِنُــــه يــا سَتَّــــار
***************************
ولنا لقاء مع روائع الحقيبة ارتمنى اضافة المزيد

توقيع

امى ما كنت اعلم والرحيل يضمنا انى اودع مهجتى وحياتى
افتقدك


منتديات العزازة

إضافة رد

العلامات المرجعية

المواضيع المتشابهه
الموضوع كاتب الموضوع الأقسام الرئيسية مشاركات المشاركة الاخيرة
كلمات تهــــــــــــــــــــز القلوب عمربدري المنتدى الاسلامي 0 17-04-2011 09:34 PM
كلمات أعجبتني الأمبراطور المنتدي العام 1 10-04-2011 12:07 AM
كلمات لها معانى أحمد الملك نبض الخاطر 1 10-08-2008 12:35 PM
كلمات ليست كالكلمات ام كريم نبض الخاطر 12 28-07-2007 12:04 PM
كلمات من ذهب ..... ثناء الطريفي المنتدي العام 4 15-07-2007 07:03 PM

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة




Loading...


ArabiZation v3.8.3 iraq chooses life
Powered by vBulletin® Version 3.8.3
.Copyright ©2000 - 2014, Jelsoft Enterprises Ltd